Paralajmërimi i Ancelotti-t: Niveli i ndeshjeve do të bjerë nëse nuk sistemohet kjo gjë

26 Tetor 2021
20:13
Denis Hakanaj

Ideja për ta zhvilluar Botërorin një herë në dy vite vazhdon të shkaktojë debate. Janë të shumtë ata që nuk e shikojnë me sy të mirë vendimin për të rritur ndjeshëm numrin e ndeshjeve gjatë viti kalendarik.

Mes skeptikëve është edhe Carlo Ancelotti. Trajneri i Real Madrid ka dhënë mendimin e tij gjatë konferencës për shtyp në prag të ndeshjes së kampionatit kundër Osassuna-s:

“Është e vërtetë se ka shumë futboll në televizor dhe më pëlqen si tifoz kjo mundësi; si protagonist, trajner, nuk është mënyra më e mirë për të përgatitur ndeshjet dhe për të hedhur në fushë një skuadër të nivelit të lartë”, ka thënë tekniku italian.

“Ndeshjet e shumta bëjnë që niveli të ulet. Jam dakord se ka shumë ndeshje tani dhe kalendari duhet sistemuar. FIFA dhe UEFA duhet ta sistemojnë sepse nuk ka ndeshje nëse lojtarët lodhen”.

Lajme të tjera

Lajmet e fundit