Tenisti serb Novak Djokovic, ka rrëfyer një ngjarje që ka ndodhur në vitin 2011. Në një ndeshje të Kupës Davis, ku përfaqësonte kombëtaren e vendit të tij, ai ka zbritur në fushë i pirë.
“Sapo kisha fituar grand slam të Wimbledon. Atë fundjavë nuk duhej të luaja ndaj Suedisë dhe udhëhiqnim 2-0 me ndeshje. Ndaj, ditën e premte festova duke pirë me miqtë e mi”, shprehet Djokovic.
“Por, çuditërisht, ditën e shtunë e pashë veten në fushë. Topin nuk e shihja shumë qartë, pasi kisha pirë shumë dhe nuk isha në formën optimale. Shpesh lëvizja si pa vetëdije në fushë”, kujton Djokovic.