Një sezon fantastik dhe përrallor deri tani, por që më e bukura ende duhet të vijë! Atalanta nuk jeton më me ëndrra, por edhe me realitetin, sidomos pasi pandemia nuk ndikoi aspak te paraqitjet e djemve të Gasperinit, që kanë fituar të gjitha ndeshjet që pas rinisjes së futbollit: 5 ndeshje, 5 fitore në kampionat.
Numra të frikshëm dhe 85 gola të shënuar në 31 ndeshje. Gati 3 ndeshje për ndeshje. Shorti i çerekfinaleve të Champions League e ka vendosur përballë PSG së yjeve Neymar-Mbappe dhe të tjerët…
Antonio Percassi, presidenti i klubit bergamask ka komentuar kështu shortin: “Për ne është një nder që jemi mes 8 më të mirave të Europës. Një ëndërr për qytetin e Bergamos, një event historik. Do të luajme me përulësi, do të jetë si të shkojmë në shkollë dhe do të përpiqemi të mësojmë dhe rritemi”.
“Do të jetë një ndeshje për t’u mbajtur mend gjatë në historinë e Atalantas”.