Sipas raporteve të “Corriere dello Sport”, referuar ndeshjes Milan-Inter, Leonardo ishte i zemëruar sidomos për grindjen në stolin kuqezi, midis Franck Kessie dhe Lucas Biglia. Drejtori brazilian është mbyllur menjëherë në dhomën e zhveshjes me krejt ekipin dhe ka kërkuar sqarim të menjëhershëm nga të dy lojtarët. "Askush nuk del nga dhoma e zhveshjes, derisa ta zgjidhim këtë çështje", – kanë qenë fjalët e drejtuesit të Milanit.