Futboll

Përplasje e frikshme, mbrojtësi serb përfundon në spital

Të mërkurën në mbrëmje në Ligue 1 u luajt sfida mes Bordeaux e Saint-Etienne, fituar nga vendasit 3-2, në një gol në fundin e takimit.

Megjithatë, lajmi i mbrëmjes ishte një dëmtim horror pësuar nga mbrojtësi serb Neven Subotic.

Ish-mbrojtësi i Dortmundit, tashmë pjesë e Saint-Etienne, u përplas me portierin e vet Ruffier dhe mbeti i shtrirë në tokë, me fytyrën të gjakosur.

Pas 5 minutash panik, qendërmbrojtësi u transportua me barelë jashtë dhe u çua menjëherë në spital.

Goditja e fortë marrë nga gjuri i portierit të Saint-Etienne i ka shkaktuar fraktura të shumta në fytyrë futbollistit të pafat, i cili do të qëndrojë disa ditë në spital.

Subotic ka qenë një ndër lojtarët kryesorë të Dortmundit deri në vitin 2015, ndërsa këtë vit është rikthyer në nivele të larta, duke luajtur rregullisht në Francë.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Futboll