Charles Leclerc ka pranuar sot se viti 2018, ku ai debutoi në Formula 1, ka qenë i vështirë, pavarësisht se rezultatet e arritura kanë të mira, çka i dhanë një vend te makina Ferrari vitin e ardhshëm. jo vetëm kaq, por ai mori trofeun e debutuesit më të mirë në F1 për vitin 2018. “Në fillim ishte e lehtë për mua të trembesha , sidomos kur flisja me kaq shumë persona që rrethojnë këtë sport. Çdo gjë që t’i thua analizohet në detaje nga inxhinierët e tu dhe i gjithë stafi. Më pas u mësova me këtë situatë. Tani nuk më besohet se jam te Ferrari, ku gjithçka nis nga e para”, u shpreh Leclerc.

“Në Formula 2 fokusohesha vetëm në aspektet kryesore, pasi ka më pak persona rreth teje që të ndihmojnë në zhvillimin e makinës. Ndaj në Formula 1 përballesh me një botë krejt tjetër dhe të duhet pak kohë për të kuptuar realitetin. Edhe gjatësia e garave këtu është më e madhe se në F2, ku mendon se pas 20 xhirosh je drejt fundit, ndërsa në Formula 1 të duhen edhe 40 të tjera. Shpresoj që kjo përvojë e fituar këtë vit të më shërbejë gjatë 2019-ës, në debutimin tim me Ferrarin”, tha Leclerc.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.