Andrea Pirlo, ish-ylli i Italisë, është kthyer të flasë për fitoren e madhe të Juventus-it në Champions League kundër Atletico Madrid. "Juventus luajti një ndeshje të madhe. Kjo skuadër është e ndërtuar për të fituar Champions League dhe e tregoi. Cristiano është një fitues dhe është mësuar të luajë në ndeshje të tilla", ka thënë ish-lojtari i Juventus-it.
"Allegri? Max e ka studiuar shumë mirë ndeshjen. Pozicionimi i Emre Can në mbrojtje ka qenë lëvizja vendimtare. Një kthim i imi tek Juventus? Nuk është e vërtetë se do të drejtoj skuadrën Under 23 të bardhezinjve. Nuk kam vendosur akoma se çfarë do të bëj".
"Champions League? Mendoj se është një garë mes Barcelona-s, Juventus-it, Liverpool-it dhe City-t. Skuadra e Barçës që na mundi ne në 2015-ën më duket se ka qenë më e fortë se kjo e sotmja. Ajax-i? Më ka bërë përshtypje, luan shumë mirë. Janë të rinj, por mendoj se janë të dobët fizikisht", ka thënë Pirlo.