Pak orë pasi intervistat e Manuel Neuer me “The Athletic” dhe “Süddeutsche Zeitung” u bënë publike, Oliver Kahn ka shuar heshtjen nga klubi. I pyetur nga Agjencia Gjermane e Shtypit, CEO tha: “Ajo që Manuel tha në pjesë të këtyre dy intervistave në lidhje me shkarkimin nga detyra te Toni Tapalovic nuk i ka hije si kapiten dhe nuk i ben mire vlerave të FC Bayern.

Për më tepër, deklaratat e tij vijnë në momentin e gabuar sepse kemi ndeshje shumë të rëndësishme përpara nesh”. Sipas informacioneve të BILD, drejtuesit e Bayernit u befasuan ftohtë nga intervista e Neuer. Intervista e dyfishtë në “The Athletic” dhe “SZ” nuk ishte e autorizuar nga klubi (si me Philipp Lahm në 2010, kur ai mbrojti trajnerin van Gaal kundër drejtuesve të klubit).

Kur u pyet për motivet e Neuer-it, Kahn tha: “Ai është i prekur personalisht, ju duhet ta kuptoni këtë në një masë të caktuar. Këtë e kemi ditur edhe kur i kemi shpjeguar se vendimi që nuk është marrë lehtë kur është fjala për trajnerin e portierëve ka qenë gjëja më e mirë për skuadrën tonë në atë moment.

Në intervista, Neuer kritikoi ashpër vendimin per shkarkimin e trajnerit të portierëve Toni Tapalovic (42). “Ishte një goditje për mua – kur isha tashmë në tokë. Ndjeva sikur po më shqyenin zemrën. Kjo ishte gjëja më brutale që kam përjetuar në karrierën time. Dhe kam përjetuar shumë. Të gjithë në skuadrën tonë të portierëve u bënë copë-copë. Njerëzit shpërthyen në lot”, tha kapiteni i Bayernit.

Kahn i krahason deklaratat e Neuerit me karrierën e tij: “Në vitin 2004, si lojtar kombëtar, u përballa me një situatë të ngjashme. Trajneri ynë i portierëve Sepp Maier u ndje keq nga DFB dhe ata u ndanë. Unë kisha punuar me Sepp për vite dhe kishim një marrëdhënie miqësore dhe besimi.”

Në përfundim, ai thotë: “Edhe unë në atë kohë isha i zhgënjyer dhe u zemërova me DFB-në. Por qëllimet e përbashkëta ishin në plan të parë për mua. Ata ishin më të rëndësishëm për mua sesa ndjenjat e mia personale. Dhe kjo është arsyeja pse vendosa në atë kohë të mos flas publikisht. Manuel tani ka bërë të kundërtën.”