Deri sa pandemia ndaloi futbollit, një ndër lojtarët shqiptarë që po kalonte një sezon fantastik ishte Berat Gjimshiti, mbrojtësi i Atalantas. Edorardo Reja, trajneri i Shqipërisë, ka shprehur edhe njëherë vlerësimin e tij për lojtarin kuqezi.

Italiani e ka stërvitur edhe pse pak kohë te Atalanta, përpara se mbrojtësi shtatlartë të shkonte në huazim te Avellino dhe Benevento, për t’u kthyer në Bergamo i pjekur dhe gati, aq sa për trajnerin Gasperini  u bë i padiskutuar në mbrojtje si titullar.

Një intervistë për të përditshmen më të madhe sportive të Italisë, “La Gazeta dello Sport”, Reja u shpreh kështu për Gjimshitin: “Po flasim për një lojtar tashmë të stabilizuar në Serinë A, është një nga mbrojtësit më të mirë të kampionatit dhe ka një rol të rëndësishëm në sukseset e Atalantës sezonet e fundit”.

“Ka fituar besim dhe është rritur në nivel. Gjimshiti është sot një tjetër lojtar në krahasim me atë që ishte kur mbërriti tek Atalanta, dhe unë isha trajner”.