Kapiteni i Juventusit, Giorgio Chiellini, ka folur për kohën kur ishte në dilema për të ardhmen e tij. Ai donte të linte Juventusin për Real Madridin dhe Man chester City-n.
“Isha duke lënë Juventusin në dy raste, në 2010 dhe 2011. Po mendoja që të largohesha. Në rastin e parë isha afër Real Madridit, dhe në rastin e dytë isha afër Manchester City-t. Isha shumë afër largimit drejt Spanjës.
“Agjenti im po fliste me Real Madridin, por Mourinho sapo kishte zbarkuar në Bernabeu dhe mori Ricardo Carvalhon para meje. Juventusi ishte i lumtur që më mbajti mua. Marotta sapo kishte zbarkuar në Torino. Në rastin e dytë kam takuar përfaqësuesit e Manchester City-t në Milano, por nuk u arrit asgjë në fund”, – tha Chiellini.