Presidenti i Republikës, Ilir Meta, ka dekoruar tri emblema të sportit elbasanas ndër vite, Hysen Domi, Mihal Gjika dhe Ferdinand Lleshi. Motivacioni ka qenë i qartë, sikurse nënvizoi edhe kreu i shtetit në fjalën e tij, me këtë rast:
“Në mirënjohje për rezultatet e shkëlqyera të arritura, duke kontribuar denjësisht për zhvillimin cilësor të sportit shqiptar, lartësuar emrin e skuadrave të tyre dhe të ngjyrave kuqezi në arenën ndërkombëtare, pata nderin të vlerësoj tre personalitete të shquara sportive, që Elbasani ja dha Shqipërisë, ish-volejbollistin elitar Hysen Domi dhe dy ish-futbollistët e jashtëzakonshëm, Mihal Gjika e Ferdinand Lleshi.
Titullar i Ekipit Kombëtar, Hysen Domi i dha jetë volejbollit shqiptar, duke zgjedhur udhën e sfidave drejt mjeshtërisë sportive, për të mbetur një model i patjetërsueshëm sportiv, shembull i korrektësisë dhe i qytetarisë.
Ferdinand Lleshi, qendërmbrojtësi dhe mesfushori i “Labinotit” është një tjetër ikonë e paharruar e futbollit elbasanas, i cili arriti ta nxirrte kampion ekipin e tij në vitin 1984, falë mjeshtërisë së tij të jashtëzakonshme, që dhe sot kujtohet me shumë emocion.
