Bundesliga ishte kampionati i parë që do të riniste pas pandemisë së gjatë duke na rikthyer magjinë e futbollit dhe, duke qenë se ishte i vetmi që luhej, vëmendja ishte te talentet që e përbëjnë.
Shumë emra të afirmuar, të tjerë më pak, por edhe zbulime që kanë qarkulluar në merkato. Mes tyre Moussa Diaby i Bayer Leverkusen. Vetëm 20 vjeç, francezi po shkëlqen këtë sezon, duke përfunduar në “lupën” e shumë klubeve të mëdha.
I rritur në Akademinë e PSG, Diaby u transferua me zero te Leverkusen, duke u bërë titullar menjëherë dhe mos vuajtur aspak përshtatjen. Sipas medieve angleze, Arsenal, Tottenham dhe Chelsea po e ndjekin, por vlera e kartonit mbetet e lartë: 30 mln euro.