Ander Herrera ka insistuar që Kylian Mbappe dhe Neymar janë shumë të lumtur në Paris. Sipas tij, gjigantët e Ligue 1 ka më shumë të ngjarë të blejnë yje të tjerë sesa të shesin ato që kanë aktualisht. Në fakt, Mbappe dhe Neymar kanë qenë të lidhur me klube të tjera si Real Madrid dhe Barcelona, përkatësisht.

I pyetur se cili prej të dyve do të jetë më i vështirë për t’u mbajtur, nëse PSG duhej të shiste njërin prej yjeve, mesfushori i tha “AS”: “Unë nuk e di, sepse me këto gjëra merret klubi. Por, e di mirë se të dy janë thelbësor në projektin e PSG. Po ashtu, i shoh shumë të lumtur dhe të përfshirë shpirtërisht në skuadrën tonë”.

PSG e bleu Neymar për një rekord botëror 222 milion € nga Barcelona më 2017, ndërsa Mbappe erdhi nga Monaco vitin e ardhshëm për 135 milionë euro. Herrera tha se gjigantët francezë janë mësuar të blejnë yje, jo t’i shesin ato: “Ju duhet të merrni parasysh një aspekt themelor, të cilin e kam diskutuar edhe me Kylian. PSG nuk është një klub që i shet yjet e tij, përkundrazi, blen të tjerë si ato. Besoj se klubi ka burime të mjaftueshme financiare për t’i mbajtur të dy”.