PSG ka ndryshuar filozofi dhe me afrimin e Leonardos si drejtor sportiv nuk është e prirur më drejt shpenzimeve të çmendura. Braziliani po shikon lojtarë që nuk janë yje, por që mund t’i shërbejnë kampionëve të Francës. 

Emri i fundit që ka dalë në skenë është ai i Raphael Guerreiros. Mbrojtësi i majtë pëlqehet nga trajneri Tuhchel që e do në Paris. Dortmundi do deri në 25 milionë euro për të siguruar kartonin e lojtarit. 

Futbollistit i skadon kontrata në vitin 2020 dhe PSG kërkon ta rrëmbejë që tani, ndërsa Dortmundi ka frikë se mund ta humbasë falas. Le10Sport shkruan se marrëveshja është afër.