Mino Raiola, gjatë Samitit Botëror të Futbollit vazhdoi sulmin e tij të ashpër ndaj institucionit të futbollit FIFA.
“Kur FIFA thotë të vendosësh kufij rroge, kjo do të thotë që klubet nuk mund të marrin vendimet.
Disa kompani janë në bursë, nuk mund të jetë FIFA që ju tregon se si t’i bëjnë gjërat të funksionojnë.
Është e qartë se sistemi i transferimit nuk është më ai që dëshiron FIFA. Lojtarët do të marrin pozicionet e tyre, sepse ata janë aseti më i rëndësishëm i lojës, jo Infantino.
Nëse vendosim një tavan rroge, duhet të jetë për gjithçka: transferime, paga për drejtuesit.
Real Madrid dhe Barcelona faturojnë një miliard euro, ne i pyesim ata pse kostoja e biletave është shumë e lartë?
A është problem nëse Barcelona ka Coutinho dhe Griezmann dhe nuk luajnë? Do të na duhej një kapak rroge për aktorët, për gazetarët, për Banksy, për Leonardo da Vinci, Rembrandt.
Si është e mundur të vendosësh tavan për talentin? Ne jemi në një botë kapitaliste, por Infantino dëshiron të kthehet në Korenë e Veriut.
Unë nuk kam asnjë problem me Korenë e Veriut, por le të shkojë ai atje. Për mua, FIFA nuk mund të diktojë ligjin. Për mua duhet të ketë një sistem të ri: Major League Soçer e krijoi atë dhe tha që nuk kishte asnjë lidhje me FIFA”.
