Milani i Ralf Rangnick përgatitet të marrë formë dhe së shpejti, sapo gjermani të takohet me drejtuesit e klubit, pronarët e fondit Elliott (Gordon Singer) duke shtrënguar duart. Përgatitet revolucioni, edhe pse pikëpyetjet janë të mëdha sa i përket stafit teknik, drejtuesit, merkato, investimet…
Megjithatë, ish-trajneri Gianni di Marzio ka zbuluar: “Kam qenë gjithmonë i bindur që Milani ka marrë Ralf Rangnick dhe besoj se menaxheri gjerman ka vendosur të marrë me vete në Milano edhe trajnerin e Leizpig, Julian Nagelsmann”.
Sakaq, “Sportmediaset” ka zbuluar edhe emrat që Rangnick ka përcaktuar për këtë merkato vere: të gjithë do të provohen të merren dhe, atje ku do të ketë vështirësi, do të ekzistojnë alternativa.
Bëhet fjalë për sulmuesin e Real Madrid (Luka Jovic), për mbrojtësit e PSV (Dumfries) e Fiorentinas (Milenkovic), mesfushorin e Salzburg (Szoboszlai) dhe talentin e Benficas (Florentino Luis).
Së fundmi, kuqezinjtë janë edhe në gjurmët e norvegjezit të Celtic, Ajer, bashkëmoshatar me Milenkovic, pra 22 vjeç.