Marcus Rashford është tërhequr nga përfaqësuesja angleze dhe nuk do të luajë në dy ndeshjet e para të kualifikueseve të Euro 2020 për shkak të një dëmtimi në kavilje, këtë e ka konfirmuar trajneri Gareth Southgate.
Përgatitjet e Tre Luanëve për ndeshjen e së premtes ndaj Republikes Çeke nuk kanë shkuar edhe aq mirë për shkak të dëmtimeve të shumta.
John Stones, Fabian Delph, Ruben Loftus-Cheek, Luke Shaw dhe Trent Alexander-Arnold janë larguar nga kombëtarja këtë javë.
Southgate do të ketë vetëm 21 lojtarë në dispozicion pasi Rashford është rikthyer te Manchester United në prag të ndeshjes ndaj Çekisë.
21-vjeçari ka zhvilluar një stërvitje të veçuar nga ekipi për të parë gjendjen e tij, por kavilja i shkakton akoma dhimbje.