Reagimi emocional i Guardiola-s pas humbjes me Chelsea-n

8 Dhjetor 2018
22:03
back button

Trajneri i Manchester City-t Pep Guardiola ka reaguar emocionalisht pas humbjes 2-0 me Chelsea-n teksa ka pranuar se presioni i të qenurit kampion në fuqi është një sfidë shumë e vështirë për lojtarët e tij.

“Është emocionale për mua të shoh se çfarë japin këta lojtarë çdo tri ditë,” shprehet Guardiola. “Ne po mundohemi të jemi kampionë. Të gjithë duan të na mposhtin.

“Kemi akoma shumë ndeshje për të luajtur. Duhet të jemi konstantë dhe sot ne ishim, kështu që nuk e kam problem humbjen.

“Mënyra se si kemi luajtur në pjesën e parë ishte e mrekullueshme. Ata kishin shanse minimale dhe shënuan, ndërsa ne luajtëm për fitoren deri në fund.

“Ishim të jashtëzakonshëm, përveç pesë-tetë minutave lojë. Në përgjithësi ishim fantastikë.

“Nuk kam asnjë pendim, erdhëm dhe treguam se donim të fitonim. Ata bënë një goditje në minutën e 44’ dhe shënuan, ndonjëherë ndodhin edhe këto gjëra.”

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Lajme të tjera

Lajmet e fundit