Real Madrid është kthyer në vendin e parë të La Liga-s pasi ka mundur 2-1 Atletico Madrid në javën e gjashtë të kampionatit spanjoll.
Sfida e zhvilluar në Wanda Metropolitano ka qenë shumë e luftuar dhe shumë e tensionuar. Los Blancos kanë arritur ta zhbllkojnë takimin në minutën e 18-të me nja gol të mrekullueshëm të Rodrygo.
ATLETICO-REAL – VIDEO
Në minutën e 36-të ka ardhur edhe goli i dytë për skuadrën e Carlo Ancelotti-t, i shënuar nga Federico Valverde, që po kalon një moment të jashtëzakonshëm forme.
Atletico Madrid ka arritur të ngushtojë diferencat në minutën e 83-të me Hermoso, por ka qenë tepër vonë për skuadrën e Diego Simeone-s.
Hermoso ka qenë protagonist edhe në fundin e ndeshjes duke marrë kartonin e dytë të verdhë për një goditje me bërryl ndaj Ceballos, por imazhet kanë treguar se lojtari i Real-it ka simuluar.
KARTONI I KUQ I HERMOSO DHE SIMULIMI I CEBALLOS
Kampionët në fuqi mbajnë vendin e parë me 18 pikë, dy më shumë se Barcelona, ndërsa Colchoneros janë në vendin e shtatë me dhjetë pikë.