Manchester United është parakaluar nga Real Madrid si marka më e vlefshme e botës së futbollit.
Sipas një raporti të Brand Finance, gjigantët spanjollë tani vlejnë 1.65 miliard euro pas rritjes 26.9% që prej vitit 2018.
Ndërkohë që United ka rënë 5.8% në 12 muajt e fundit dhe tani vlen 1.48 miliard euro.
“Real Madrid ka treguar këtë vit se cili është sundimtari i botës së futbollit," shprehet Bryn Anderson, drejtori i Brand Finance.
Pjesa tjetër e “Top 10” dominohet nga klubet e Premier League me Manchester City, Liverpool, Chelsea, Arsenal dhe Tottenham që bëjnë pjesë në këtë grup prestigjioz.
Barcelona, Bayern Munich dhe Manchester City kanë ruajtur pozicionet e tyre ndër pesë më të mirëve.
Studimi gjithashtu ka zbuluar se Premier League është kampionati më i shikuar në tregjet evropiane.