Paraqitjet e jashtëzakonshme të Tammy Abraham, duket se kanë mahnitur edhe presidentin e Real Madrid, Florentino Perez.
22-vjeçari është në formë të shkëlqyer këtë sezon në Premier League teksa aktualisht është në krye të listës së golashënuesve me shtatë gola.
Paraqitja e fundjavës së kaluar, ku Abraham ka shënuar tre gola, ka tërhequr vëmendjen e Real Madridit.
Megjithatë, deri tani është vetëm një interes dhe nuk ka asgjë konkrete, por nëse Abraham vazhdon me këtë ritëm, atëherë shumë klube mund të trokasin në derën e Chelsea-t.
Gjithsesi, londinezët nuk duan ta humbin yllin e ri dhe e vlerësojnë atë mbi 100 milionë euro.