Tashmë është një siguri. Timo Werner kthehet te golat pas 3 ndeshjesh ku nuk kishte lënë gjurmë. E bën në mënyrën më të mirë të mundshme, duke realizuar tri gola! Sulmuesi gjerman tashmë ka shkuar në kuotën e 24 golave, tre më pak se sa Lewandowski.

Jo vetëm fitore dhe vend të tretë për djemtë e Nagelsmann, por edhe një rekord personal: ky është i katërti kampionat radhazi që Werner ka shënuar më shumë se 10 gola dhe i dyti radhazi mbi 20 gola.

Werner ka kaluar edhe rekordin personal në një turne: në vitin e parë te Leizpig kishte shënuar 21 herë. Futbollisti i datëlindjes 1996 ka kaluar edhe një tjetër rekord në Bundesliga: është i pari futbollist prej sezonit 1998-99 që shënon një triplet në të njëjtin sezon kundër të njëjtës skuadër.

Në total janë 30 gola të shënuar nga sulmuesi që kërkohet nga shumë klube në merkato.