Rënia e Milanit në Serie A, kjo nuk i ndodhte që nga 5-0 historik në fushën e Atalantës

29 Nëntor 2021
8:46
Alfred Lleshi

Është një Milan me dy fytyra. Ndërkohë që nga njëra anë, kuqezinjtë gjetën gola dhe pikë në skenën e Champions League, duke mbajtur gjallë shanset për të kaluar në raundin e parë me eliminim direkt, nga ana tjetër ka treguar ngadalësim të ndjeshëm mes kufijve kombëtarë.

Të flasësh për një krizë, sigurisht që do të ishte ushtrim i rrezikshëm, por nëse tre të dhëna e vërtetojnë këtë, rënia e “Djallit” në Serie A është mjaft evidente. Në tri ndeshjet e fundit, të gjitha të luajtura në nëntor, djemtë e Stefano Piolit kanë grumbulluar vetëm një pike. Kjo, falë barazimit në derbin ndaj Interit, i cili u pasua nga dy disfata ndaj Fiorentinës dhe Sassuolos.

Për të gjetur një Milan pa fitore në tri ndeshje radhazi duhet ta kthejmë shiritin në sezonin 2019-2020, kur, gjithmonë me Piolin në krye. Asokohe mori dy barazime 0-0 kundër Sassuolo dhe Sampdoria, ndërthurur me 5-0 historik në fushën e Atalantës.

Morali i histories? Një pikë nga nëntë të disponueshme dhe tetë gola ​​të pësuar në 270 minuta e arkivojnë nëntorin e kuqezinjve si një nga fazat më delikate të sezonit. Në fakt, Milani nuk kishte pësuar shtatë gola në dy ndeshje që nga viti 1998.

Numra që përfundojnë duke ndikuar, padyshim, në situatën e renditjes. Milani humbi kreun, duke rrëshqitur në -3 pikë nga Napoli, por mbi të gjitha iu desh të përballej me rikthimin e përkohshëm të Interit, i cili brenda dy ndeshjesh shkoi nga -7 në -1 pikë. Një ndalesë e papritur për kuqezinjtë.

Lajme të tjera

Lajmet e fundit