Nga viti 2020, Botërori i Moto GP do të ketë 20 gara. Kalendarit aktual të garave i është shtuar edhe pista e Finlandës, ndërkohë që ky numër mund të rritet edhe më shumë në të ardhmen. Kjo, pas kërkesës që kanë bërë pilotët dhe skuadrat për shtimin e pistave.
Gjithsesi, drejtuesit e Moto GP kanë vendosur që të reduktojnë numrin e testeve për të bërë të mundur rritjen e numrit të garave. Skuadrat kanë rënë dakord që të anullojnë testet që kryhen në Valencia, pas garës në këtë pistë dhe ato që iu paraprijnë garës së Katarit.