Kupa e Shqipërisë ngre siparin e edicionit të 74-t me ndeshjet e nesërme. Të gjitha skuadrat do të zbresin në fushë prej orës 16:00, ndërsa janë të ndara në dy grupe: A dhe B. Fituesi i edicionit të fundit, Kukësi, do të nisë mbrojtjen e trofeut nga Peqini, aty ku do të ketë kundërshtar Shkumbinin.
Tirana, skuadra më e titullar në Shqipëri me 16 trofe, do të luajë kunër Shënkollit, ndërsa kampionët e Partizanit dhe 15 herë fituesit e Kupës do të përballen me Vorën.
Dinamo, ekipi i tretë më i titullar me 13 Kupa por shumë larg viteve të artë, do të duelojë kundër Erzenit. Ndeshja e parë në Shijak. Vllaznia e 6 Kupave përballet me Burrelin në një derbi verior.
Interesant është dhe derbi ndërmjet Devollit e Skënderbeut, po ashtu rikthimi i Kamzës në sfidën ndaj Apolonisë. Pikëpyetje e madhe nëse do të luajnë kamzalinjtë, pasi ekipi është në ajër dhe situata e paqartë.
Grupi A
Vora – KF Partizani
FK Terbuni – KF Teuta
KSSH Veleçiku – Flamurtari FC
Shenkolli – KF Tirana
Iliria – KS Kastrioti
KF Burreli – KF Vllaznia
KF Erzeni – FK Dinamo
KS Korabi – Besëlidhja
Grupi B
KF Shkumbini – FK Kukesi
KF Devolli – KF Skenderbeu
FK Elbasani – KF Laçi
KF Turbina – KS Luftëtari
FK Apolonia – FK Kamza
KF Pogradeci – KF Bylis
FK Egnatia – FC Besa
FC Lushnja – Oriku