Roma “bën pazar” te katalanasit, 15 milionë nuk mjaftojnë për qendërmbrojtësin

25 Korrik 2021
11:42
Alfred Lleshi

Roma dëshiron një mbrojtës tjetër qendror dhe tashmë ka identifikuar profilin e duhur. Sipas asaj që u raportua nga gazeta spanjolle “Sport”, Mourinho do t’i kishte kërkuar Tiago Pinto të interesohet për Clément Lenglet, futbollistin francez të Barcelonës. Në Angli, West Ham e pëlqen shumë, por në Katalonjë flitet për një garë dyshe, duke llogaritur edhe klubin verdhekuq.

Në fakt, Tiago Pinto ka prezantuar tashmë një ofertë prej 15 milionë eurosh, e konsideruar joadekuate nga Barça, që do të donte 10 milionë më shumë. “Sport”, gjithashtu thotë se mbrojtësi i ishte ofruar Romës si një homolog për t’u shkëmbyer me Lorenzo Pellegrini.

Një ofertë e refuzuar, megjithatë, nga Mourinho, i cili në vend të kësaj hapi një negociatë të veçantë për mbrojtësin qendror. 15 milionë euro nuk janë të mjaftueshme, në Spanjë janë të sigurt për rritjen e ofertës, sepse Roma do t’i japë Mourinhos emrin e duhur për mbrojtjen.

Lajme të tjera

Lajmet e fundit