Valentino Rossi e përfundoi në vendin e 12-të garën e zhvilluar ditën e diel në pistën e Portimao, gara e fundit sezonale në MotoGP. Kjo ishte edhe gara e fundit e legjendës së motoçiklizmit me motorin Yamaha. Sezonin tjetër, 41-vjeçari italian do të garojë te Yamaha Petronas.
“Me Yamaha ishte si një film që zgjati 15 vjet. Gjithçka ishte fantastike edhe pse doja një fund tjetër, më pozitiv. Gjithsesi, filmi i karrierës time nuk ka përfunduar ende. Unë shoh me optimizëm përpara dhe e ndjej se mund të fitoj sërish. Tani nis një aventurë e re për mua”, tha Rossi.
