Rrahmani në 11-shen e vitit të Serisë A, përjashtohet më i miri

24 Maj 2022
15:26
Denis Hakanaj
back button

Sezoni 2021-22 ka përfunduar tashmë dhe CIES, Observatori i futbollit, ka zbuluar si zakonisht 11-shen më të mirë për çdo kampionat.

Kështu, edhe Seria A ka parë rreshtimin e formacionit të konsideruar si më të mirin, duke u bazuar në kryqëzimin e të dhënave mes rezultatit të skuadrave, pozicionit në fushë të lojtarëve dhe paraqitjes teknike sipas të dhënave të InStat.

Për sa i takon kampionatit italian, siç mund të imagjinohej, ka një prani të madhe të lojtarëve të Milan-i, skuadra fituese e kampionatit, por nuk mungojnë as surprizat.

Skuadra e vitit

Portier: Maignan (Milan)

Mbrojtës: Cuadrado (Juventus), Rrahmani (Napoli), Tomori (Milan), Theo Hernandez (Milan)

Mesfushorë: Barella (Inter), Brozovic (Inter), Perisic (Inter)

Sulmues: Nicolas Gonzalez (Fiorentina), Vlahovic (Juventus), Leao (Milan)

Siç mund të vihet re janë katër lojtarët e Milan-it kampion të Italisë, ndërsa janë tre ata të Inter-it, që dominon repartin e mesfushës.

Cuadrado dhe Vlahovic përfaqësojnë Juventus-in, Rrahmani për Napoli-n. Surpriza është padyshim prania e Nico Gonzalez të Fiorentina-s dhe mungesa e golashënuesit më të mirë të kampionatit, Immobile.

Lajme të tjera

Lajmet e fundit