Rrëfehet Ruiz: Ja pse ishte “Grushti i Zotit” ai që hodhi Joshua “KO”

1 Nëntor 2019
12:50
Gentian Spiri

Boksieri meksikan Andy Ruiz Jr do të mbrojë titujt kampionë bote në peshën e rëndë ndaj Anthony Joshua në duelin që do të zhvillojnë më 7 dhjetor, në Abu Dhabi. Duke folur për këtë revansh, meksikani shprehet se do të duelojë sërish për fitore, ashtu sikurse në përballjen e parë. Në atë duel ai befasoi të gjithë, kur hodhi “KO” Joshua në ring.

Unë nuk dueloj për të vr*rë rivalët e mi në ring. Nuk mendoj se edhe Zoti e dëshiron këtë gjë, por ai dëshiron që unë të fitoj dhe t’u tregoj të gjithëvse se janë gabuar me mua. Kush dyshonte në aftësitë e mia ishte gabim. Ndaj dhe u shpreha se ishte një grusht i Zotit ai që hodhi “KO” Joshua në duelin e parë”, tha Ruiz.

Ia thashë Joshua në fytyrë që në duelin e parë, që ishte një grusht i ardhur nga Zoti sepse jam lutur shumë që të më jepej mundësia për të zhvilluar atë duel. Ishte mundësia e artë e jetës time dhe unë e shfrytëzova në maksimum atë. Edhe në këtë përballje të dytë do të bëj më të mirën time për të fituar sërish”, tha Ruiz.

Lajme të tjera

Lajmet e fundit