Karl-Heinze Rummenigge, drejtori menaxhues i Bayern Munich, donte të siguronte tifozët bavarezë për të ardhmen e Robert Lewandowski. Drejtuesi i lartë i kampionëve gjermanë iu përgjigj thashethemeve për një lamtumirë të mundshme të sulmuesit polak: “Unë nuk kam asnjë dyshim se ai do të qëndrojë”.
Lewandowski, i cili ka shënuar 292 gola në 327 ndeshje, që kur u transferua në Bavari më 2014, ka kontratë deri në vitin 2023. Rummenigge theksoi në mikrofonat e “Sport1” se polaku është ende shumë i rëndësishëm për Bayern Munih: “Cili klub do ta privonte veten nga një futbollist që shënon 60 gola në vit? Dhe pastaj agjentët e tij nuk na ka kanë folur për largimin e mundshëm”.
