Ishte i rëndë si rezultat, për rrjedhojë edhe në aspektin simbolik. 5-1, me të cilin Interi mundi Milanin në derbin e Madoninës do të mbetet në histori. Në të vërtetë, tashmë është histori. Dhe si të tillë Arrigo Sacchi, i cili shkroi historinë e kuqezinjve, e analizon disfatën e thellë të “Djallit”, edhe pse në terma jo tamam delikate.

Në faqet e “Gazzetta dello Sport”, ish-trajneri i Milanit dhe i kombëtares ka mbajtur qëndrim kundër qasjes taktike të Stefano Piolit” “Milani ishte një ekip që kishte 11 lojtarë të shpërndarë nëpër fushë, pa logjikë dhe pa organizim. Ne shpresonim për shkëputjen e Leaos, vrapimin e Hernandez, goditjen me kokë të Giroud… Megjithatë, duhet të kuptoni se futbolli është një fakt kolektiv”.

Sacchi më pas foli për qasjen e Milanit, e cila është ndryshe nga qëndrimi “i përulur” i Interit:

“Qëndrimi i kuqezinjve më dukej sipërfaqësor. Proverbi thotë se është njerëzore të gabosh, por le të kujtojmë se këmbëngulja në gabim është djallëzore. Interi fitoi sepse ishte një ekip kompakt, i vendosur, i përulur”.

Pra, çfarë duhet të bëjë Milani i Piolit për t’iu dhënë fund humbjesve në derbi. Arrigo Sacchi futet direkt në temë, duke iu drejtuar trajnerit të kuqezinjve:

“Nuk duhet ta demoralizojmë Milanin, por t’ia sqarojmë gjërat. Së pari, trajneri. Ai tashmë është treguar një person inteligjent. Mësimi mund të jetë i dobishëm nëse distancohesh nga sipërfaqësia, pakujdesia dhe supozimi”.