Ylli i Liverpool, Mohamed Salah, ka thënë se dëshiron të luajë çdo minutë të çdo ndeshjeje, pavarësisht nga lista e kondensuar e skuadrës së tij në sezonin 2020-2021. Pandemia e koronavirusit e detyroi sezonin aktual të fillojë një muaj me vonesë, që do të thotë se ekipet synojnë të përfundojnë një kalendar të plotë në më pak kohë se zakonisht.

Duke folur përpara përballjes masive të skuadrës së tij kundër Manchester United të vendit të parë, të dielën, egjiptiani nënvizoi se ende dëshiron të luajë aq sa ka mundësi: “Unë dua të luaj çdo minutë dhe çdo ndeshje. Dua të luaj 95 minuta, jo vetëm 90! Sidoqoftë, i respektoj vendimet e trajnerit. Kalendari i ngjeshur dhe mungesa e tifozëve këtë sezon do të thotë se gara për titull në Angli është më e hapur. Situata është krejtësisht e ndryshme tani për shkak të koronavirusit, pasi çdo skuadër ka shanse të barabarta për të fituar për shkak të mungesës së tifozëve.

Është ende herët për të parashikuar fituesin e Premier League këtë sezon. Të gjithë janë afër, por shpresoj ta fitojmë ne titullin, përsëri. Lëndimet na kanë goditur keq këtë sezon. Ju mund të shihni se si Fabinho po luan si qendërmbrojtës, por ne nuk mund të ndalemi këtu, duhet të vazhdojmë. Kemi shumë lojtarë të rinj që po luajnë mirë. Unë nuk mund të them shumë për merkaton, kjo është punë e menaxherit”.