Mohamed Salah i ka kërkuar Liverpool-it që të zgjidhë çështjen rreth kontratës së tij të re, ndërsa pranon se është “i lumtur” që është i lidhur me një lëvizje te Barcelona.
Negociatat mbeten në vazhdim mes Reds dhe përfaqësuesve të Salah, i cili po i afrohet 18 muajve të fundit të marrëveshjes së tij aktuale në Anfield.
Egjiptiani ka shprehur prej kohësh dëshirën e tij për të qëndruar me Liverpool, ku ka shënuar 144 gola në 223 paraqitje, ndërsa ka fituar Premier League, Champions League, UEFA Super Cup dhe FIFA World Club.
Dhe 29-vjeçari ka përshkruar faktorët që do ta bindin atë të vendosë një marrëveshje të re me skuadrën e Jurgen Klopp.
“E kam thënë disa herë, nëse vendimi varet nga unë, dua të qëndroj te Liverpool”, tha Salah.
“Por vendimi është në dorën e menaxhmentit dhe ata duhet ta zgjidhin këtë çështje. Nuk ka asnjë problem, por duhet të arrijmë një marrëveshje për kontratën. U takon atyre.
Vlera juaj financiare tregon se sa shumë ju vlerëson klubi dhe se ata janë të gatshëm të bëjnë gjithçka që ju të qëndroni, por vetë vendimi nuk bazohet vetëm në ato çështje financiare.
Ka gjëra të tilla si ambicia e ekipit dhe trajnerit dhe ajo që ai dëshiron të bëjë me ekipin dhe lojtarët që dëshiron. Të gjitha këto janë pika të rëndësishme kur merret vendimi”.
Pasiguria e vazhdueshme mbi të ardhmen afatgjatë të Salah ka nxitur spekulime të interesit nga Barcelona.
Raportet e fundit në Spanjë pohuan se trajneri i Barcelonës, Xavi Hernandez do të dëshironte të nënshkruante egjiptianin, pavarësisht problemeve kronike financiare në gjigantët katalanas…
