Emri i Jorginhos te Juventusi ka dalë në qarkullim tashmë që në momentin kur Maurizio Sarri mori drejtimin e ekipit bardhezi verën e shkuar. Italo-braziliani është i preferuari i ish-trajnerit të Napolit dhe Chelseat, duke parë që në destinacionet ku ka qenë e ka pasur nën drejtimin e tij.
Vetë agjenti i mesfushorit të kombëtares italiane ka folur për të ardhmen dhe siç duket i ka dhënë një sinjal klubit blu dhe Juventusit… “Kemi ende kontratë me Chelsean dhe për tre vitet e ardhshme, por nëse nuk e duan në ekip, kemi oferta.
Një transferim te Juventusi? Të shohim”, u shpreh agjenti i Jorginhos. Kjo pasi siç është parë, Chelsea ka një projekt me të rinj dhe dëshiron gjithmonë të freskojë skuadrën: Abraham, Mount, Loftus-Cheek, Hudson-Odoi, Reece James dhe Fikayo Tomori janë dalluar këtë sezon.
