AUTO

Sebastien Ogier kampion bote në garat rally, titulli i gjashtë radhazi

Piloti francez Sebastien Ogier është shpallur kampion bote në garat rally për vitin 2018, titulli i gjashtë kampion radhazi për 34-vjeçarin. Një sukses që e afron Ogier gjithnjë e më shumë me patriotin e tij Sebastian Loeb, që mban rekordin e 9 titujve kampionë në këtë sport.

Ogier, që piloton makinën Ford Fiesta, në garën e fundit të zhvilluar në Australi u klasifikua në vendin e pestë, pozicion që i mjaftoi për t’u shpallur kampion bote dhe për të festuar titullin e gjashtë. Ndërsa dy kandidatët e tjerë për titullin kampion, Thierry Neuville dhe Ott Tanak, u tërhoqën nga kjo garë.

Në Botërorin për konstruktorë, titullin kampion bote për vitin 2018 e fitoi makina Toyota. “Ky ishte një sezon shumë i vështirë. Jam krenar për skuadrën time, që e falënderoj për punën e madhe që ka bërë. E dija që do të ishte e vështirë të shpallesha kampion, por asnjëherë nuk hoqa dorë dhe arrita të triumfoj në garën e fundit”, tha Ogier.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga AUTO