“S’është e drejtë ajo që po i ndodh”, Chiellini del në mbrojtje të yllit të Premier League

22 Shtator 2022
18:39
Denis Hakanaj

Kur bëhet fjalë për mbrojtës, pak në botë mund ta bëjnë këtë si Giorgio Chiellini. Ish-kapiteni i Juventusit dhe i kombëtares së Italisë ka qenë një nga më të mirët në botë për më shumë se një dekadë dhe të gjithë e mbajnë mend mirë.

Sidomos britanikët, të cilët sigurisht e kanë ende në sytë e tyre mbajtjen e tij djallëzore, por shpëtimtare ndaj Saka në finalen e Kampionatit Europian 2020, e cila përfundoi me Mbretin George duke ngritur kupën. Fatkeqësisht, në Kupën e Botës, Tre Luanët nuk do të kenë frikë nga Axurrët.

Dhe ndoshta pikërisht për këtë arsye Times ka… pasur qetësinë për të intervistuar të Chiello-n. Dhe për ta pyetur atë diçka për kolegët e tij të repartit në dispozicion të Southgate.

Maguire dhe pritshmëria

Duke filluar nga më i kritikuari nga të gjithë, Harry Maguire. Por Chiellini ka pasur fjalë pozitive për të. “Më vjen keq për situatën e Maguire, sepse ai është një lojtar i mirë. Te Manchester United kërkojnë shumë prej tij.

“Vetëm sepse e paguan gati 90 milionë euro, a duhet të jetë më i miri në botë në çdo ndeshje? Kjo nuk është e drejtë. Vlera e tregut varet nga shumë gjëra që nuk mund t’i kontrolloni. Nuk është faji i tij. Ai dhe Stone janë një dyshe e bukur.

” Maguire mund të mos jetë Rio Ferdinand, por ai është mjaft i mirë. Dhe kjo situatë nuk e ndihmon atë të japë më të mirën e tij me Anglinë. Nëse doni të fitoni Kupën e Botës, nuk mund ta bëni nëse keni probleme me lojtarët kyç. Maguire është një nga lojtarët kyç të kombëtares”.

Lajme të tjera

Lajmet e fundit