Arsenal u kualifikua në gjysmëfinale e Carabao Cup pas fitores 3-2 ndaj Crystal Palace. Një fitore jo shumë e lehtë për “topçinjtë”, që arrijnë objektivin dhe njëkohësisht mendojnë edhe për kampionatin.

“Carabao Cup është i rëndësishëm për ne. E kemi parë edhe në fazat e mëparshme se shumë të rinj kanë shansin të luajnë, të dalin në fushë në “Emirates Stadium” të mësohen duke luajtur me ekipin e parë. Kjo ndodhi edhe dje”, tha Martin Odegaard.

“Tani jemi në gjysmëfinale dhe ky është një kompeticion që duam ta fitojmë. Të gjithë jemi të vendosur të fitojmë trofe së bashku dhe ky kompeticion është një tjetër mundësi për ta bërë këtë. Tani jemi më afër finales, kështu që ne duam të përfitojmë sa më shumë nga kjo mundësi dhe të shkojmë deri në fund”, shtoi kapiteni i Arsenal.

Në fund, Odegaard shtoi: “Objektivi kryesor për këtë klub është të fitojë trofe dhe si ekip jemi të vendosur ta bëjmë këtë. Tani jemi në Premier League, Champions League, FA Cup dhe do të luftojmë me të gjitha forcat tona edhe për Carabao Cup. Ne e pranojmë këtë sfidë të katërfishtë”.