Për një nga iornite që vetëm fati cinik dhe “i keq” mund të sajojë, dje ishte ditëlindja e Shakirës dhe Gerard Pique. Në fakt, këngëtarja kolumbiane ka lindur më 2 shkurt 1977 – prandaj ajo mbushi 46 vjeç – ndërsa ish-futbollisti i Barcelonës dhe Spanjës është dhjetë vjet më i ri. Ajo që kishte qenë një rastësi e veshur me mjaltë gjatë lidhjes së tyre 12-vjeçare, tani është kthyer në një tallje të hidhur, pas ndarjes së tyre qershorin e kaluar…
Që atëherë, helmi është rritur gjithnjë e më shumë mes të dyve, veçanërisht pas shfaqjes së tradhtisë ndaj tij me atë që është bërë partnerja e tij aktuale, studentja e re katalanase Clara Chia Martì.
Kulmi i inatit të ndërsjellë, pavarësisht se kishte dy fëmijë, u arrit me publikimin e këngës më të fundit të Shakirës, në të cilën superylli i muzikës latino-amerikane shkatërron thellësinë njerëzore të Piques, por edhe sulmon atë që e zuri vendin e saj në zemrën e lojtarit, duke e krahasuar me një Casio dhe një Twingo, kuptohet si një sinonim i cilësisë së ulët kur krahasohet me Rolex dhe Ferrari (ose vetë Shakira)…
Epo, të gjithë këta elementë (Pique duke treguar orën Casio ne dore dhe duke ecur me Twingo) përfunduan në një tortë ditëlindjeje të dërguar në shtëpinë në Barcelonë ku qendron këngëtarja së bashku me dy femijet e vegjel Milan dhe Sasha. Ishte foleja e dashurisë e përbashkët me ish-futbollistin, tashmë është terren i ndaluar për të, pasi u përjashtua në fillim të krizës së vitit të kaluar pas tradhtisë së tij.
#2Feb | Shakira cumple hoy 46 años y recibe esta curiosa torta en su casa con Piqué, un Casio y un Twingo incluidos.
Vía – europapress pic.twitter.com/HiSA70F5xJ
— 800 Noticias (@800Noticias_) February 2, 2023
Dhurata u bë nga një program televiziv spanjoll, El programa de Ana Rosa. Ëmbëlsirën në fjalë, Shakira nuk e hodhi poshtë, pasi e shfaqi më vonë në një histori në Instagram, por me një mungesë mjaft të dukshme: Piqué-s i ishte fshirë silueta, siç ndodhi edhe në jetën e saj.
Në vend të kësaj, si Casio ashtu edhe Twingo ishin ende aty, duke ngjallur dukshëm kujtime më pak të pakëndshme… Nje histori qe nder te tjera duket veshtire se do te kete kthesa edhe ne te ardhmen per menyren se si erdhi ndarja…
