Trajneri i Skënderbeut, Orges Shehi, foli pas humbjes 2-1 ndaj Kukësi. Ai ndihet i zhgënjyer pas humbjes dhe mënyrës se si ekipi i pësoi golat. Ai mendon se ekipi mund të arrijë finalen, pasi mjafton një fitore minimale në Korçë për të kaluar më tej.
Humbja – "Nuk jam i kënaqur për mënyrën se si i pësojmë golat. Këto janë ndeshje specifike, por të paktën në pjesën e dytë u shfaqëm më mirë dhe në ndeshjen e dytë është e hapur".
Problemet në mbrojtje – "Këta janë probleme evidente. Ky është risku im dhe i klubit. Duhet që lojtarët të rriten dhe nuk duhen bërë gabime. Ai është i ri, por kështu është futbolli. Duhet t'i japim besim dhe të mos e godasim".
Shanset e finales – "Goli në fushë kundërshtare të jep shpresë të ndihmon, shanset janë të barabarta si për ne, si për kundërshtarin".
Gabimet – "Të vjen keq, sigurisht që të vjen keq. Për një gabim mund të digjet i gjithë sezoni dhe ndeshja. Lojtarët e rinj janë risku im dhe i klubit që duhet të promovohen. Po punojmë shumë. Mbrojtësit duhet të jenë gjithmonë vigjilentë së bashku me portierin".
Rezultati – "Nuk është hera e parë që na ndodhin gabime. Një rezultat që na jep shpresë. Duhet ta harrojmë dhe ta vazhdojmë punën".