Pa fjalë, pa zhurmë, pa jehonë të tepërt, por me punë Kosova po ia kalon Shqipërisë dhe në futboll. Niveli nuk është ende sa Superiorja shqiptare, por vullneti dhe dëshira është e madhe për të ecur përpara.

Feronikeli po ndërton stadiumin e ri dhe tashmë ka marrë dhe pamje. Impianti i ri do të jetë i mbuluar dhe ngjan shumë bukur. Kampionët e Kosovës po i vendosin dhe qershinë mbi tortë investimit të tyre me një impiant të denjë dhe për të luajtur në Europë.

Një shembull shumë i mirë dhe për klubet tona. Pamjet që vijnë nga stadiumi i Feronikelit na japin një mësim të mirë, pasi në të njëjtën kohë po ndërtohet dhe stadiumi i Kukësit. Diferencat mund të bëhen me sy të lirë!