Kylian Mbappé, 20-vjeçar, ishte sërish protagonist të shtunën. Ylli i PSG realizoi një tregolësh në fitoren e parizienëve 9-0 ndaj Guingamp, duke prenotuar ndriçimin e proxhektorëve edhe pas ndeshjes në intervistën e dhënë.
Pas fitores së thellë, dhe tre golave personal që i dhanë të drejtën të marrë topin në shtëpi, Mbappe foli ndër të tjera edhe për kontratën e tij aktuale me PSG dhe të ardhmen aq të përfolur.
“Jam shumë i lumtur me të tashmen time te Paris Saint-Germain. Kam një kontratë deri në 2021 dhe nuk është koha të mendoj për tjetër gjë. Real Madrid? Unë ndihem shumë mirë këtu, por në futboll dhe në të ardhmen nuk i dihet kurrë", deklaroi ndër të tjera Mbappe.
