“Shpresoj të mos ndodhë”, Futre, Atletico dhe frika e derbit: Ka 10 hyjni dhe 9 janë…

back button
25 Janar 2023
17:47
Denis Hakanaj

Ndeshja e Kupës së Mbretit mes Real-it dhe Atletico Madrid është tashmë në gojën e të gjithëve. Faji, si të thuash, i vendimit të Blancos, të cilët, duke mos pasur rregulla për të ndjekur për biletat e akorduara për ekipin rival, kishin rezervuar vetëm 330 vende për tifozët Colchoneros.

Ka patur polemika dhe numri i tifozëve vizitorë të lejuar pothuajse është dyfishuar, duke arritur në rreth 600. Jo pikërisht ajo që prisnin tek Atletico, aq sa edhe Griezmann ironizon në rrjetet sociale dhe i përgjigjet lajmit për biletat e reja…” është çmenduri.” Me pak fjalë, tashmë flitet për një derbi madrilen, nëse përfshihen edhe këto, është logjike që tensioni të rritet.

Dhe nuk ka asnjë shenjë për ta zvogëluar atë, madje edhe dikush që e ka jetuar derbin e kryeqytetit spanjoll si Paulo Futre. Portugezi, i cili luajti me Reggiana-n dhe Milan-in në Itali, foli për CadenaSER dhe shpjegoi se si duhet përgatit një ndeshje kaq e rëndësishme.

“Kur shënon një gol në Bernabeu, ndihesh vetëm, është një motivim i jashtëzakonshëm, edhe nëse ka 3000 tifozë të Atletico-s para 60.000 tifozëve të Realit. Të fitosh ndeshjen? Do të përpiqesha të luaja me tre sulmues, do të thoshte që ne luajmë gjithçka për gjithçka, që ne e jetojmë atë sikur të ishte një finale. Nëse fitojmë Kupën e Mbretit dhe përfundojmë mes katër të parëve në kampionat, do të ishte një sezon i mirë.”

Vetëm një gjë Futre dëshiron ta shmangë… “Faktori i fatit është i rëndësishëm dhe shpresoj të mos shkojë me penallti. Janë 10 hyni dhe 9 mbështesin Real Madridin…”.

Me pak fjalë, më mirë të fitosh para se të jetë e nevojshme lotaria e penalltive. Megjithatë, është e pamundur që portugezi të mos përmendë bashkatdhetarin e tij Joao Felix, i cili pas një periudhe të komplikuar përplasjesh me Simeone ka vendosur të largohet në huazim te Chelsea. Dhe Futre bën mea culpa, duke shpjeguar se nuk e ka kuptuar mirë situatën.

“Herën e fundit që fola për këtë situatë, mendova se ishte një tjetër demonstrim që Joao dhe Diego kishin një marrëdhënie si të babait me djalin.

“Por gabova dhe kjo duket. Tani ata po bëjnë një pushim, reflektojnë, që të shihen sërish. Dhe shpresoj që Joao të kthehet dhe të bëjë paqe me Simeonen…”. I cili, megjithatë… zor se fal!

Lajme të tjera

Lajmet e fundit