Është mbyllur me një barazim pa gola miqësorja e luajtur pasditen e sotme në Air Albania Stadium mes Shqipërisë dhe Gjeorgjisë. Kuqezinjtë kanë krijuar disa raste të rrezikshme, por nuk kanë arritur t’i shfrytëzojnë.
Gjakrat janë ndezur në minutën e 71-të, për shkak të futjes në fushë të trajneri Reja. Tekniku i Shqipërisë ka reaguar ndaj një simulimit të kundërshtarëve, duke e ftuar lojtarin të ngrihej në këmbë.
Ky gjest i trajnerit nuk është pritur mirë nga gjeorgjianët, të cilët kanë patur një përplasje me lojtarët kuqezi para stolit të Shqipërisë.
Është mbyllur në barazim edhe miqësorja tjetër e luajtur në Zyrih mes Zvicrës dhe Kosovë. Rashica ka kaluar në avantazh miqtë në minutën e 52-të, ndërsa zviceranët kanë barazuar në të 61-ën me Lotomba.