Shqipëria e rrjetës në aksion: Të rriturrit fitojnë miqësoren me Maqedoninë, U-22 në Europian

20 Maj 2022
11:44
Gentian Spiri

Ekipet kombëtare të volejbollit përgatiten për një periudhë të ngjeshur me evente ndërkombëtare. Ajo U-22 nis sot takimet eliminatoret të Europianit të kësaj grupmoshe, ndërsa ekipi i të rriturve përgatitet për Ligën e Argjendit, që nis javën e ardhshme.

Kombëtarja e të rriturve, nën drejtimin e trajnerit Jani Melka, fitoi 3-0 (25-22, 25-23, 25-23) ndaj Maqedonisë së Veriut, në miqësoren luajtur në Mavrovë. Kjo ishte sfida e dytë miqësore mes dy ekipeve, me fqinjët që patën fituar 3-2 përballjen e parë.

Tashmë dy ekipet kombëtare për të rritur do të përballen pas disa ditësh në ndeshjen zyrtare të Ligës së Argjendtë. Shqipëria dhe Maqedonia e Veriut janë në një grup (B), bashkë me Rumaninë e Bosnjë-Herzegovinën.

Ndërkohë, në fushë zbret sot kombëtarja U-22 e trajnerit Arben Sako, që luan në fazën e grupeve të Europianit (ndeshjet luhen në Tiranë). Shqipëria ndodhet në Grupin F, bashkë me Austrinë (luhet sot) dhe Malin e Zi (luan më 22 maj).

Europiani U-22-Grupi F

20 maj, Shqipëri – Austri, 18:00

21 maj, Austri – Mali i Zi, 18:00

22 maj, Shqipëri – Mali i Zi, 18:00

Lajme të tjera

Lajmet e fundit