Dita e tretë e Lojërave Olimpike “Tokio 2020” ka qenë ditë pushimi për delegacionin kuqezi për sa i përket garave, pasi asnjë nga sportistët kuqezinj nuk kishte garë.
Gjithsesi, të gjithë sportistët kanë vijuar përgatitjet e tyre për sfidat e radhës. Nesër (27 korrik) do të jetë radha e notarit Kledi Kadiu, që garon në 100 metra stil i lirë.
Ai po stërvitet në pishinë bashkë me notaren tjetër Nikol Merizaj dhe trajnerin Arian Fetishaj.
Stërvitje vijojnë në palestër edhe shtangistët Erkand Qerimaj e Briken Calja, ndërsa dy atletët Luiza Gega dhe Izmir Smajlaj përgatiten në mjediset e stadiumit olimpik.