Gjatë njëinterviste interesante të dhënë për kanalet zyrtare të Federatës Argjentinase të Futbollit, Diego Pablo Simeone ka folur edhe për Lionel Messi-n dhe Diego Armando Maradona-n.
“Janë dy lojtarë të ndryshëm, por mendoj se mund të luanin shumë mirë bashkë”, ka shpjeguar trajneri i Atletico Madrid.
“Njëri është një makinë golash, që më ka krijuar shumë probleme gjatë këtyre viteve. Tjetri ishte futbolli argjentinas. Përfaqësonte të gjithë Albicelesste-n i vetëm”.
“Besoj se Messi është më i pjekur sot dhe ka ndryshuar në një farë mënyre lojën e tij, mendoj se mund të luanin bashkë”.
“Cristiano Ronaldo bashkë me ata? Mendoj se është e komplikuar. Them gjithmonë se nëse një lojtar nuk vrapon nuk është problem, nëse bëhen dy është një problem, nëse janë tre është e pamundur”.