Kombëtarja

Sindrit Guri shënon për Ostenden në Kupën e Belgjikës

Sindrit Guri shënon për Ostenden në Kupën e Belgjikës

Sindrit Guri ka gjetur rrjetën mbrëmjen e sotme me Ostende në Belgjikë. Sulmuesi i kombëtares shqiptare  është bërë protagonist për skuadrën e Ostende, teksa në minutën e 81 të takimit ka shënuar golin e barazimit për skuadrën e tij kundër Mouscron.

Në takimin e vlefshëm për 1/8 e Kupës së Belgjikës, Ostende arriti të barazonte me rezultatin 2-2 në transfertë, teksa goli i Sindirt Gurit ishte pikërisht ai që vulosi rezultatin. Në minutën e 81` të takimit, Ostende ishte duke u mundur nga Mouscron me rezultatin 2-1, por sulmuesi shqiptar, që e nisi takimin si titullar, shënoi duke vendosur barazpeshën në takim.

Kështu Sindrit Guri rikthehet jo vetëm të luajë por njëkohësisht të shënojë me skuadrën e tij në Belgjikë. Ndeshjet e fundit Sindrit Guri ka pasur pak minuta aktivizim në kampionat, ndaj kjo ndeshje dhe goli mund të shërbejnë, që futbollisti i kombëtares shqiptare, të rikthehet titullar me Ostende.

Koha e rregullt e takimit përfundoi në barazim 2-2, ndërsa në kohën shtesë të dyja skuadrat shënuan dhe nga një gol secila, duke bërë që dhe shtesa të prfundonte në barazim.

Takimi më pas është vendosur nga penalltitë, ku Ostende është kualifikuar pasi gjuajtja e penalltive përfundoi me rezultatin 4-5. Kujtojmë këtu se goli i Sindrit Gurit i krijojë mundësi Ostende të luftonte deri në fund për kualifikimin.

Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Kombëtarja