Italia po vuan shumë nga problemet me racizmin dhe shembulli më i qartë janë tifozët e Lazios. Mbështetësit e kryeqytetasve kanë mbërritur në Skoci, aty ku do të luajnë për ndeshjen e Europa Leagues kundër Celticut.
Ultrasit e Lazios kanë tërhequr vëmendjen për keq, pasi në marshimin e tyre në mes të qytetit të Glasgow kanë kënduar kore raciste dhe kanë bërë simbole naziste. Një njollë që vazhdon të përndjekë Italinë nga sjellje të tilla të tifozerisë.