Federico Chiesa do të humbasë ndeshjen e mesjavës, që do ta shohë Juventusin të presë Parmën në “Allianz Stadium”. Lojtari i datëlindjes 1997, i dëmtuar gjatë ndeshjes së luajtur të dielën pasdite në “Geëiss Stadium”, kërkoi zëvendësim rreth minutës së 58-të, duke ngritur “flamurin e bardhë” për shkak të një tendosje të muskujve.

Ekzaminimet instrumentale, të kryera këtë mëngjes në “JMedical”, shmangën praninë e lëndimeve, por treguan një zgjatim të muskujve të kërcellit të kofshës së majtë. Pasojë logjike është mungesa e tij për ndeshjen e së mërkurës kundër parmalatëve, me kushtet e ish-anësorit të Fiorentinës që do të monitorohen dhe rivlerësohen në ditët në vijim.

Është e vështirë të rikuperohet edhe për ndeshjen kundër vjollcëve, të dielën e ardhshme, ndaj ka shumë të ngjarë që kthimi gradual të ndodhë në fillim të majit. Lajme të mira nga Weston McKennie. Futbollisti amerikan, i cili doli nga fusha duke çaluar në Bergamo, nuk ka pësuar dëme jashtëzakonisht të mëdha dhe, siç raportohet nga “Sky Sport”, do t’i vihet në dispozicion Andrea Pirlos.