Në prag të ndeshjes së radhës të Real Madrid ndaj Girona-s, Santiago Solari ka folur për polemikat e shkaktuara nga Sergio Ramos, teksa mbrojtësi akuzohet se është ndëshkuar qëllimisht me karton të verdhë. 

Ai karton do ta pezullojë për ndeshjen e kthimit ndaj Ajax, por spanjolli do të jetë i gatshëm për sfidën e çerekfinales nëse Los Blancos kualifikohen. 

“Nuk i bëjmë ne rregullat,” shprehet Solari. “Nuk mund të spekuloj se çfarë ka ndodhur. 

“Sergio tha se ishte faull i qëllimshëm, por ishte një pyetje kurth. 

“Jemi duke menduar vetëm për ndeshjen e radhës, nuk bëjmë spekulime mbi të ardhmen. 

“Vetëm Girona ka rëndësi, pastaj Levante. Ekipi po punon mirë, jemi në formë të kënaqshme dhe të fokusuar për këtë ndeshje të rëndësishme.”